Бишкекте 19-июнда “Даамдуу” тез татым түйүнүнөн тамакка уулангандардын саны 24 кишиге жетти.
Маалым болгондой, алардын 12си ооруканага жаткырылып, калганы медициналык жардам көрсөтүлгөндөн кийин үйүнө чыгарылган.
Лабораториялык текшерүү үчүн жабыркагандардан клиникалык материалдар алынып, изилдөө иштери жүрүүдө.
Белгилей кетсек, аныкталган мыйзам бузуу фактылары боюнча жалпы 41 миң сом болгон үч айып пул салуу жөнүндө токтом чыгарылган. Тез татымдын ишмердүүлүгү убактылуу токтотулган.