2021-жылы республикалык бюджеттин жыйынды кирешелеринин жалпы көлөмү 187,4 млрд.сомду түздү. Бул тууралуу бүгүн, 26-февралда өткөн маалымат жыйында Экономика жана коммерция министри Данияр Амангелдиев билдирди.
Анын айтымында, 2020-жылдын тийиштүү көрсөткүчтөрүнө салыштырганда кирешенин өсүшү 53,0 млрд. сомду же 139,2% түздү.
«Кирешенин өсүшү салыктык жол-жоболорду фискалдаштыруунун эсебинен жетишилди, ал көмүскөдөгү экономиканын көлөмүн кыскартуунун эсебинен республикалык бюджетке түшүүлөрдү камсыздаган», — деди ал.