Казакстандын президенти Касым-Жомарт Токаев орус жарандарынын Казакстанга жапырт келип жатканына байланыштуу Орусия менен сүйлөшүүгө убада берди. Бул тууралуу Акордонун маалымат кызматы билдирди.
«Башкысы биз коңшу өлкөлөр менен тынчтыкты сакташыбыз керек. Биз мындан эч нерсе жоготпойбуз. Акыркы күндөрү Орусиядан көп киши келип жатат. Алардын көбү аргасыз абалдан улам кетүүгө мажбур. Биз аларга камкордук көрсөтүп, коопсуздугун камсыздашыбыз керек. Бул саясий жана гуманитардык маселе. Мен өкмөткө керектүү бардык чараларды кабыл алууну тапшырдым», — деди Токаев Түркстан облусундагы сапары учурунда.
Токаев келген орусиялыктарга жардам көрсөтүлөрүн, бирок алар эч кандай преференция албай турганын кошумчалады.
«Биз орус тарап менен сүйлөшүп, бул маселени биздин өлкөнүн кызыкчылыгы үчүн чечебиз. Кайра кайталайм: мындай кыйын учурда бизге баарынан мурда биримдик жана жыргалчылык керек. Өлкөдө тынчтыкты сактоо менен гана туруктуу өнүгө алабыз. Биз олуттуу түрдө талкуулап, маселелерди жакшылап чечишибиз керек», — деди казак президенти.
21-сентябрда Владимир Путин жарым-жартылай мобилизация жарыялаган соң Орусиянын аскерге жарамдуу миңдеген жараны чет элге качкан. Алардын бир бөлүгү Казакстанга агылып, Казакстан менен Орусиянын чек арасында бир нече чакырымга жеткен кезек пайда болгон. Казакстанда орусиялыктардын жапырт келип жатканына тынчсызданган учурлар байкалууда.
Президент Касым-Жомарт Токаев обратился к казахскому народу в связи с тяжелой ситуацией из-за паводков. Информация …
Бүгүн, 6-апрелде, президент Садыр Жапаров Казакстан президенти Касым-Жомарт Токаев менен телефон аркылуу сүйлөштү. Садыр Жапаров …
Швейцарияда Казакстандын президенти Касым-Жомарт Токаев жана анын уулу Тимур Токаев менен байланышы бар Fondation pour …
Казакстандын президенти Касым-Жомарт Токаев Конституциядагы президенттин бир жолку жети жылдык мөөнөтү тууралуу жобо өзгөрбөй турганын …
Кытайда расмий сапар менен жүргөн Казакстандын президенти Касым-Жомарт Токаев 18-октябрда Шинжаңга барды. Казакстан президентинин …
В Москве прошла презентация книги российского журналиста Леонида Млечина «Трагический январь. Президент Токаев и извлечение …
