Megacom
  • Жума 3 Куран 2020

“Торугарт” өткөрмө пунктунда жүк ташуу жанданат

3 июня 2020 в 13:47 Бишкек Govori.TV

Кыргыз-кытай чек арасындагы «Торугарт» өткөрмө бекети 8-июндан тартып ишин жандантат. Бул тууралуу Тышкы иштер министрлигинен кабарлашты.

Тышкы иштер министрлигинин маалыматына ылайык, алгачкы этапта көзөмөл-өткөрмө пункт Кыргызстан менен Кытайдын ортосунда жүк ташуу үчүн гана иштейт. Кийин бекеттин иши боюнча комушча маселелерди эки тараптын тийиштүү органдары талкуулайт.

“Торугарт көзөмөл-өткөрмө пунктун ачуу жана анын иши тууралуу деталдуу маселелер жакынкы убакытта эки өлкөнүн компетенттик органдары менен макулдашылат”, – деп айтылат маалыматта.

Кошумчалай кетсек, Кыргызстан менен Кытай ортосунда Ош облусундагы “Эркечтам” жана Нарын облусундагы “Торугарт” автомобилдик өткөрмө бекети бар. Экөө тең коронавирус пандемиясына байланыштуу январь айында жабылган.

Количество просмотров: 36