Өзбек-казак чек арасындагы өткөрмө бекеттердин бири убактылуу жабылды. Бул тууралуу Казакстандын Мамлекеттик кирешелер комитети билдирди.
Маалыматка караганда, Казакстандын «Казигурт» жана Өзбекстандын «С.Наджимов» көзөмөл өткөрмө бекеттери 6-октябрь күнү эртең менен саат 9:00дө туура бир суткага жабылды.
Буга «Узтрансгаз» акционердик коомунун эки өлкөнүн көзөмөл-өткөрмө бекеттеринен өткөн газ куурларында гидросыноо иштерин жүргүзүп жатканы себеп болду.
Казак-өзбек чек арасындагы башка өткөрмө бекеттер адаттагы режимде иштейт.