Доналд Трамп Эл аралык кылмыш сотуна (ЭКС) каршы санкциялар боюнча жарлыкка кол койду. Бул тууралуу Ак үйдүн сайтында маалымдалды.
Документте айтылгандай, жарлык АКШнын жарандарына же алардын союздаштарына, ошондой эле алардын үй-бүлө мүчөлөрүнө каршы тергөөгө катышкан адамдарга карата каржылык жана визалык санкцияларды киргизет.
Чечим АКШнын Сенатынын демократтары бир жума мурун Республикачылардын Израилдин премьер-министри Биньямин Нетаньяху менен Израилдин мурдагы коргоо министри Йоав Галантты камакка алуу ордерине нааразылык иретинде Эл аралык кылмыш сотуна каршы санкция киргизүү аракетине бөгөт койгондон кийин кабыл алынды. Нетаньяху ушул аптада Вашингтонго барат.
Эске салсак, АКШнын президенти катары биринчи мөөнөтүндө Трамп АКШнын Ооганстандагы болжолдуу согуш кылмыштарын иликтегени үчүн Гаагада жайгашкан Эл аралык кылмыш сотуна каршы санкцияларды киргизип, кийинчерээк Жо Байдендин администрациясы аны жокко чыгарган.
2023-жылдын март айында Эл аралык кылмыш соту Орусиянын президенти Владимир Путинди камакка алууга ордер берген.
Сот мамлекеттерди эмес, жеке адамдарды соттоп, эл аралык маанидеги эң оор кылмыштар: согуш кылмыштары, адамзатка жана геноцидге каршы кылмыштар жана акырында агрессия кылмыштары үчүн жоопкерчиликке тартууга мандатка ээ.
Бүгүн, 14-майда Пекинде Кытайдын төрагасы Си Цзиньпин Кытайга мамлекеттик сапар менен барган АКШ президенти Дональд …
Президент Садыр Жапаров Кыргызстандын Америка Кошмо Штаттарындагы жаңы дайындалган элчиси Эдил Байсаловду кабыл алды. Жолугушуунун …
Кыргыз Республикасынын президенти Садыр Жапаров тиешелүү жарлыкка кол койду. Ага ылайык, Байсалов Эдил Жолдубаевич Кыргыз …
АКШнын президенти Дональд Трамп 28-февралда Вашингтон Иранга каршы «ири масштабдуу аскердик операция» баштаганын билдирди. Анын …
АКШнын Индиана штатында жол кырсыгы катталып, Кыргызстандын жараны Б.Б. кармалды. КР Тышкы иштер министрлигинин маалыматы …
АКШнын Түштүк жана Борбор Азия иштери боюнча атайын өкүлү — элчи Серджио Гор Кыргызстанга келет. …
