Энергетика министри Кубанычбек Турдубаевдин айтымында Кыргызстанда электр энергиясына болгон баа эң төмөн. Бул тууралуу ал бүгүн, 22-апрелде маалымат жыйын учурунда билдирди.
«Коңшу өлкөлөргө салыштырмалуу биздин өлкөдө электр энергиясына баа өтө эле төмөн. Ошол эле Казакстанды, Өзбекстанды карап көрсөк, аларда жарандар үчүн 2 сомдон жогору. Биздин өлкөдөгү буга чейинки тарифтер саясий чечим болуп келгендиктен, бул тармактагы өтө чоң карыздарга алып келди. Андай жолду кайрадан баспоо максатында иштерди аткарып жатабыз», — деди ал.
Белгилей кетсек, президент Садыр Жапаров билдиргендей бүгүнкү күндө энергетикалык компаниялардын карызы 129 миллиард сомду түзүп, оңдолбой калган подстанциялар менен линиялар начар абалга келди. Мамлекет башчы турмушу начар үй-бүлөлөргө 74 тыйын кылып, чектөөнү алып салуу керектигин айтып, ал расмий эсепте Кыргызстанда аз камсыз болгон 110 миң үй-бүлө бар экенин билдирген.
“Тоолуу жана жашоо-шарттары оор алыскы райондорго 1 сом 04 тыйындан берип, чектөөнү таптакыр алып салалы деген сунуштар бар. Ал эми, жашоо-турмушу кудайга шүгүр үй-бүлөлөргө 1 сом 48 тыйындан сатуу сунушталып жатат. Бирок, суунун тартыштыгына байланыштуу ушул категориядагыларга кышкы мезгилдерде 1000 кВт сааттан ашса 2 сом 29 тыйындан болсун деген сунуштар бар. Бул бүгүнкү күндөгү электрэнергиянын өздүк наркы. Кудай буюрса, сууну толтуруп алсак, кийин чектөөнү алып салабыз. Азыркы тапта суунун көлөмү жогорулай баштады. Ушул кадамдарга барганыбызда гана биз 2025-жылга барып энергетикалык кризистен чыгат экенбиз”,-деген Жапаров.
Депутат Балбак Түлөбаев ЖК комитетинин жыйынында президентке кайрылуу жолдоп, электр энергиясын арзандатууну сунуштады. Депутат буга …
28-марттан тарта карызын убагында төлөбөгөн бишкектиктердин электр жарыгы өчүрүлөт. Бул тууралуу Бишкек электр тармактар ишканасынан …
Бүгүн, 14-мартта парламентте «Сүттүн сатып алуу бааларын жөнгө салуу жөнүндө» Жогорку Кеңештин токтом долбоору кабыл …
Бишкек мэриясы шаар тургундары көмүрдү кайдан жана кандай бааса сатып алса болору тууралуу маалымат берди. …
Бишкектин Ош базарында эттин дүң жана чекене бааларына мониторинг жүргүзүлдү. Бул тууралуу Монополияга каршы жөнгө …
Январь айында Кыргызстанда бензиндин баасы 3-4 сомго арзандады. Бул тууралуу дүйшөмбүдө Бишкектеги маалымат жыйында Нефтетрейдерлер …
