Бүгүн Жогорку Кеңештин жыйынында депутаттар Туризмди өнүктүрүү фондундагы коррупция фактысы боюнча козголгон кылмыш ишин талкуулап жатышат.
Фонддун жетекчиси Елена Калашникова кош жарандыгы бар экенин мойнуна алды. Тактап айтканда, анын орус жана кыргыз паспорттору бар.
«Өмүр бою Орусиянын жаранымын, бул жакка 30 жыл мурун турмушка чыккандан кийин көчүп келгем. Орусиянын жарандыгын да сактап калгам. Мен Кыргызстандын жарандыгын 2023-жылдын январында гана алдым, бул мыйзамга каршы келбейт», — деди ал.
Эске салсак, Туризмди өнүктүрүү фондунун кеңсеси жана башкармалыктын жетекчисинин үйү тинтүүгө алынган. Улуттук коопсуздук боюнча мамлекеттик комитети туристтер үчүн эс алуу жайларын куруу долбоорун ишке ашыруудагы коррупция фактысы боюнча кылмыш ишин козгогону маалым болгон.
Бишкек шаардык соту коррупцияга шектелип кармалган Туризмди өнүктүрүү фондунун жетекчиси Елена Калашникованын бөгөт чарасын өзгөртүүсүз …
