«Эркин Кыргызстан» партиясынын лидери Турсунбай Бакир уулу парламенттик шайлоого «Бүтүн Кыргызстан» партиясы менен биргеликте аттанып жатканын маалымдаган. Бирок «Бүтүн Кыргызстан» партиясынын БШКга берген тизмесине анын аты-жөнү кошулбаганын Турсунбай Бакир уулу SUPER.KG порталына билдирген.
«Бүтүн Кыргызстан» партиясынан кеткен эмесмин. Тизмеден алынганымды кечээ, 26-августта билдим. Себеби БШКга берилген тизмеде менин аты-жөнүм жок экен. Партиянын 19-августта өткөн курултайында программа бекитилип, тизмеге кирген талапкерлер такталган. Анын чечиминин көчүрмөсү менде бар. Менин чыгып калышыма партия лидери менен ойлорубуздун дал келбей калышы себеп болушу мүмкүн», — деп билдирген Бакир уулу.
Бул боюнча «Бүтүн Кыргызстан» партиясынын басма сөз кызматы Турсунбай Бакир уулунун тизмеден эмне себептен чыгып калганы тууралуу маалыматтары жок экенин айтышкан.