Референдум дайындоодо регламент бузулган жок. Бул тууралуу бүгүн, 11-мартта Жогорку Кеңештин депутаты Бактыбек Турусбеков билдирди.
«Регламент бузулган жок. Шарттары менен комитеттен өтүп, талкуу болду. Анын баарына күбө болдуңуздар. Жыйынга келбеген депутаттардын дарегине сын-пикирлер айтылды эле баары келип катышты. А түгүл абакта жаткандар дагы келип добушун берди. Ким кандай добуш берет өзүнүн укугу»,-деди Турусбеков.
Белгилей кетсек, Жогорку Кеңеш Конституция жөнүндөгү мыйзам долбоору боюнча референдум дайындоо тууралуу мыйзамды бүгүн, 11-мартта экинчи жана үчүнчү окууда кабыл алды. Жыйынга катышкан 100 депутаттын 94ү макул деп, алтоо каршы деген добушун беришти.