Кыргызстандык спортчу Айсулуу Тыныбекова Күрөш боюнча дүйнөлүк бирикменин (UWW) рейтингинде лидерлигин бекемдеди.
16-январда Италиянын Рим шаарында болгон рейтингдик турнирдин жеңүүчүсү аталды. Тыныбекова 62 килограммга чейинки спортчулар арасында күч сынап, катары менен Америка, Кытай жана Россиянын балбандарын утуп алган.
Турнирдеги жеңиши үчүн ал алтын медаль жана рейтингдик 8 упайга ээ болгон. Ошондой эле бул салмак категориядагы мелдешке ондон ашуун спортчу катышканы үчүн ага дагы 8 упай берилген. Буга чейин Тыныбекова 2019-жылы Казакстандын Нур-Султан шаарында болгон дүйнө чемпионатын жеңгени үчүн дүйнөлүк рейтингде 60 упай топтогон.
Ал эми украиналык Юлия Ткачук Остапчук дагы Италиядагы турнирге катышып, 3-орунга ээ болгон. Бул үчүн ал 12 упай алган. Жалпы 30 упайы менен 3-орунга көтөрүлгөн. Ошол эле турнирдин жарым финалында Тыныбековага жеңилген Кайла Коллин Миракл 5-орунга жазылып, 10 упай алган.
Февраль айында Африка, Европа жана Азиянын чемпионаттары өтөт. Анын жыйынтыгындагы упай дагы рейтингге кошулат.
Булак: АКИпресс
Айсулуу Тыныбекова 6-ирет Азия чемпиону болду. Тыныбекова 2016, 2017, 2019, 2021, 2023-жылы Азия чемпиону болгон. …
Өзбекстан Бактылуулук боюнча дүйнөлүк рейтингде (World Happiness Report) 143 өлкөнүн ичинен 47-орунга жайгашты. БУУнун түзүмү …
Кыргызстандын кыз-келиндер күрөшү боюнча спортчу Айсулуу Тыныбекова эл аралык мелдеште алтын медалга ээ болду. Бул …
Эл аралык Transparency International (TI) уюму 2023-жылдагы дүйнөдөгү жемкорлуктун индексин чыгарды. Кыргызстан бул рейтингде жалпы …
Кыргызстандык спортчу Айсулуу Тыныбекова (62 кг) Бириккен күрөш дүйнөсүнүн рейтингинде 2-орунга көтөрүлдү. Аталган рейтинг 13-16-июлда …
Кыргызстан бир жыл ичинде сөз эркиндигинин рейтингинде 72-орундан 122-орунга түштү. Бул рейтингди «Чек арасыз кабарчылар» …
