Тышкы иштер министри Жээнбек Кулубаев 2-апрелде Стамбулдун борборунда 29 адамдын өмүрүн алган өрт кырсыгына байланыштуу түркиялык кесиптеши Хакан Фиданга көңүл айтуу телеграммасын жолдоду.
«2024-жылдын 2-апрелинде Түркия Республикасынын Стамбул шаарындагы имараттардын биринде болгон өрттүн кесепетинен улам адамдардын курмандыктарына байланыштуу чын дилимден жана терең кайгыруу менен көңүл айтам.
Курман болгондордун үй-бүлөлөрүнө, жакындарына терең кайгыруу менен көңүл айтып жана жабыр тарткандардын тез сакайып кетишин каалайм.
Биз орду толгус жоготуунун азабын жана ачуусун тең бөлүшөбүз», – деп айтылат Министр Ж.Кулубаевдин телеграммасында.
