Кыргызстан Тажикстан менен чектешкен аймакта аскердик көзөмөлдү күчөтүп жатат. Бул тууралуу УКМКнын Чек ара кызматынын басма сөз кызматы билдирди.
«Баткен районунун аймагындагы «Головной» аймагы толугу менен кыргыз тараптын көзөмөлүндө», — деп айтылат маалыматта.
28-апрелде Кыргызстандын Тажикстан менен чектеш аймагында, Баткендин Ак-Сай айылындагы Ак-Суу дарыясында жайгашкан башкы (“Головной”) суу бөлүштүрүүчү жайдын тилкесинде кагылыш болуп, кыргыз тараптан төрт, тажик тараптан жети адам жараат алганын эки өлкөнүн Чек ара кызматтары билдирген. Кыргыз-тажик чек арасындагы чыр бүгүн дагы уланды. Саламаттык сактоо жана социалдык өнүктүрүү министрлиги 29-апрель, саат 20:00гө карата чек арада бир адам каза болуп, 31 киши жаркат алганын маалымдады.
