Баңгизат кылмышына шектелген жаран кармалды. Бул тууралуу Чүй облустук ички иштер башкы башкармалыгынын басма сөз кызматы билдирди.
Чүй ОИИБнин кызматкерлери менен Панфилов РИИБинин кызматкерлери 9-октябрда борбор калаанын Аска-Таш конушунда Жайылма-Набережная көчөлөрүнүн кесилишинен «Хонда Фит» унаасын токтотушкан . Унаада 33 жаштагы Д.Х. болгон. Аны тинтүү учурунда гезит жана скотчко оролгон баштык табылган. Ичинен жалпы салмагы 237,60 граммды түзгөн 25 брикет гашиш табылган.
Аталган факты Кылмыш-жаза кодексинин 282-беренеси (Баңги каражаттарын, психотроптук заттарды жана алардын аналогдорун сатуу максатында мыйзамсыз даярдоо) менен кылмыш иши козголгон. Айдоочу кармалып, убактылуу кармоочу жайга камалды.
Учурда тергөө иштери жүрүп жатат.