АКШнын Глобалдык медиа агенттиги (USAGM) Конгресс тарабынан бөлүнгөн каражаттын бир бөлүгүн «Эркин Европа/Азаттык» радиосуна бөлүп берүүгө макул болду. Бул тууралуу Азаттык жазат.
Бул чечим радионун АКШнын өкмөттүк агенттигине каршы арызы сотто каралар алдында жарыяланды. «Эркин Европа / Азаттык» радиосу агенттиктин федералдык каржылоону токтотуу аракетине каршы сотко кайрылган.
Агенттик 24-мартта кабыл алган бул чечимдин негизинде «Эркин Европа/Азаттык» радиосу 7,46 миллион доллар алат. Бул сумма радионун 1-марттан 14-мартка чейинки (USAGM каржылоону токтотконун жарыялаган күндүн алдындагы мөөнөт) чыгымдарды жабууга багытталган.
«Агенттик каражатты бөлүп берүү үчүн зарыл болгон административдик чукул кадамдарды таштады «, – деп айтылат USAGM агенттигинин сотко жолдогон катында. Анда каражат 26-мартка чейин бөлүнүп, «Эркин Европа/Азаттык» радиосу аны айдын аягына чейин алаары көрсөтүлгөн.
24-мартта өткөн соттук угууларда АКШнын Юстиция министрлигинин адвокаты Эбигейл Стоут билдиргендей, USAGM менен «Эркин Европа/Азаттык» ортосундагы келишимге ылайык, агенттик радионун каржылоосун токтотууга укуктуу.
«Мыйзамда агенттиктин грантты токтотууга укугу бар экени каралган», – деди ал.
Буга жооп катары радионун юристи Дэвид Зионц Конгресс агенттиктерге каалаганын кылуу үчүн каражат бөлбөй турганын белгилеп: «Мындай чечим эч кандай логикага сыйбайт», – деп жооп берди.
«Эркин Европа/Азаттык» радиосу агенттиктен 2025-финансылык жылына (30-сентябрга чейин) каралган толук гранттын берилишин талап кылып, соттон агенттиктин чечимине убактылуу тыюу салууну өтүнгөн. Бул маселе боюнча судья Ройс Ламберт жакынкы жумаларда чечим кабыл алат деп күтүлүүдө.
28-майда Химиялаштыруу, өсүмдүктөрдү коргоо жана карантин департаментинин инспекторлору тарабынан «Достук» постунда фитосанитардык көзөмөл жүргүзүү учурунда …
Илим, жогорку билим берүү жана инновациялар министрлиги гранттардын тизмеси жана кабыл алуу көлөмүн коомдук талкууга …
Бишкек шаарынын Райондук аралык сотунун чечиминин негизинде, Фучик паркындагы жалпы аянты 1013 чарчы метрди түзгөн …
УКМКнын басма сөз кызматы билдиргендей, Анапияевдердин мүлкү мамлекетке кайтарылды. УКМКнын Ош шаары жана Ош облусу …
КР УКМК тарабынан мыйзамсыз менчиктештирилген кыймылсыз мүлк объекттерин аныктоо боюнча жүргүзүлүп жаткан иштердин алкагында Талас …
АКШнын Глобалдык медиа агенттиги (USAGM) «Азаттык» радиосуна грантын убактылуу узартты, деп айтылат агенттиктин билдирүүсүндө. Вашингтондогу …
