Байкем менин жолум ишке, мени сактагыла дечү. Бул тууралуу анын бир тууган карындашы Сайра Усубалиева агасынын 100 жылдык мааракесине арналып Улуттук филармонияда өткөн салтанаттуу иш-чарада айтты. Анын айтымында, Турдакун Усубалиев үй-бүлөдө абдан жөнөкөй адам болгон.
Байкем эл үчүн иштеген адам эле. Жериме кызмат кылып, артымда из калтырсам деп көп айтчу. Бүгүнкү күндө жасаган эмгектеринин артында изи калды. Үй-бүлөдө да абдан ынтымактуу элек. Бүгүн мына мааракеси болуп даңкталып жатат,-деп билдирди Сайра Усубалиева.