Вице-премьер-министр Максат Мамытканов шайлоочуларды добуш берүүгө активдүү катышууга чакырды. Бул тууралуу ал бүгүн, 10-январда брифингде билдирди.
«Президенттик шайлоого жана референдумга активдүү катышып бергиле. Муну менен сиз өлкөнүн тагдырына кайдыгер карабай, жаңы багытын тандап алганга көмөкчү болосуз», — деди Мамытканов.
Кошумчалай кетсек, бүгүн Кыргызстанда мөөнөтүнөн мурда президенттик шайлоо өтүп жатат. Ошондой эле мамлекеттин башкаруу формасын тандоо үчүн референдум да чогуу өтүүдө.