Бул тууралуу чет элдик басылмалар жазып чыгышты. АКШнын бир нече ири авиакомпаниялары — American Airlines, United Airlines жана Delta Airlines — каттамдарын токтотту. CNN маалымдагандай, каттамдардын токтотулушуна жана кечигип жатышына Microsoft Azure булут сактоо платформасынын бузулушу себеп болгон.
Ошондой эле аталган техникалык көйгөйлөрдөн Австралияда, Испанияда, Германияда жана Түркияда банктар иштебей, байланыш маселелеринде көйгөйлөр жаралды.
Берлин-Бранденбург эл аралык аэропортунда учактар учуп же коно албай, операциялар токтотулду.
Жалпыга маалымдоо каражаттары миңдеген Windows компьютерлери экраны көгүлтүр гана болуп жатканын (BSOD) айтышууда. Бул нерсе дүйнө жүзү боюнча банктарга, авиакомпанияларга, телерадиокомпанияларга, супермаркеттерге жана башка көптөгөн ишканаларга таасирин тийгизип жатат.
