Японияда Токиодогу жайкы Олимпиада оюндарына катышкан өлкөлөрдүн ар бири үчүн 213 даана кимоно даярдады. Алардын катарында Кыргызстан дагы бар.
Идеянын автору — кимоно өндүрүү жана сатуу боюнча компаниянын президенти Йошимаса Такакура. Долбоор 2014-жылы эле иштелип чыккан. Ар бир кимонону жасоого 6 айдан 1 жылга чейин убакыт кеткен.
Кыргызстандын кимоносунда Тянь-Шань тоолору, Айгүл гүлү, Ысык-Көл, көпкөк асман, түндүк жана кыргыз оймолору түшүрүлгөн.