Үстүбүздөгү жылдын 21-январь күнү Өзгөн районундагы төрөт үйүндө өзүнүн жаңы төрөлгөн ымыркайын сатууга аракет кылды деп 23 жаштагы келин кармалган. Бул тууралуу Ош облустук милициясынан кабарлашты.
Маалыматка ылайык, 20-январь күнү милицияга өз баласын сатууга аракеттенип жаткан келин тууралуу маалымат келип түшкөн. Натыйжада тергөө иштери жүргүзүлүп, Ош ОИИБнын кызматкерлери тарабынан баланы сатууга аракет кылган 23 жаштагы келин жана ага көмөктөшүп жүргөн 45 жаштагы аял кармалган.
«Ыкчам иш аракеттеринин натыйжасында кармалган жарандын бирөөсү эки баланын энеси экени маалым болгон. Ал эми наристени сатууга көмөктөштү делген 45 жаштагы аял буга чейин эки жолу соттолгону аныкталды. Алар баланы 5000 долларга сатуу үчүн соодалашып жаткан жеринен колго түшүрүлдү», — дейт Ош ОИИБнин басма сөз кызматкери Жеңиш Аширбаев.
Учурда тергөө амалдары жүргүзүлүп жатат. Кармалгандар 171-берене (адам сатуу) менен шектелип Кара-Суу РИИБнун убактылуу кармоочу жайына киргизилген. Баш коргоо чарасы каралып ымыркайдын энеси ден соолугуна байланыштуу үй камагына чыгарылган ал эми ортомчу болгон А.Э эки айга камакка алынган.
Булак: oshportal.kg
Бишкек шаарынын Октябрь районунун прокуратурасы тарабынан айрым милиция кызматкерлери Кыргыз Республикасынын ИИМ Ички иликтөө кызматынын …
Бишкекте милиция кызматкерлери тарабынан бейбаштыкка шектүү жаран кармалды. Бул тууралуу Октябрь райондук милициясынан билдиришти. Маалыматка …
УКМК Мамлекеттик салык кызматынын жана ИИМдин кармалган кызматкерлери боюнча маалымат таратты. Анда айтылгандай, УКМК тарабынан …
ӨКМ сел каптаган аймактар тууралуу акыркы маалыматтар менен бөлүштү. Ага ылайык: Кара-Кулжа райондук № 66 …
Ош облусунун Кара-Кулжа районунун Мырзаке-Кара-Кулжа-Алайкуу автоунаа жолунун 41-чакырымында унааны сел агызып, бир адам каза болду. …
Ош облусунун аймагында 16-апрелде саат 19:29да очогунда күчү 3,5 баллга жеткен жер титирөө катталды. КР …
