Бүгүн, 7-июлда билим берүү жана илим министри Алмазбек Бейшеналиев “Ысык-Көл досторун чакырат-2022” XII Эл аралык этно-карнавалынын катышуучулары менен жолугушту. Бул тууралуу ведомствонун басма сөз кызматы билдирет.
Маалыматка ылайык, жолугушууда министр балдарды этно-карнавалдын башталышы менен куттуктап, мамлекет ар бир баланын чыгармачыл өнүгүшүнө өзгөчө көңүл буруп келгенин белгиледи.
“Биздин мамлекет ар бир баланын чыгармачыл өнүгүшүнө, өзүн эркин таанытууга, Мекенин сүйүү сезимин калыптандырууга, адеп-ахлактыкка жана чыныгы мекенчилдикке тарбиялоого чоң көңүл буруп келет. Этно-карнавал ар бир катышуучунун өз өлкөсүнүн тарыхын, каада- салтын жана маданиятын билүүсү, жалпы адамдык баалуулуктарды ардактоосу, ошону менен бирге башка өлкөлөрдүн элдеринин этно баалуулуктары менен ыр-бий, улуттук аспаптар аркылуу тааныштырууга мүмкүнчүлүк түзөт”, — деди Алмазбек Бейшеналиев.
Этно-карнавалга Кыргызстан, Казакстан, Россия жана Өзбекстандан 500дөн ашуун 9 жаштан 17 жашка чейинки балдар жана өспүрүмдөр чогулат. Быйыл аталган этно-карнавал КР Президентинин “2022-жылды тоолордун экосистемаларын коргоо жана климаттык туруктуулук жылы деп жарыялоо жөнүндө” Жарлыгын жана “Инсандын руханий-адеп-ахлактык өнүгүүсү жана дене тарбиясы жөнүндө” концепциясын ишке ашыруу боюнча иш-чаралардын алкагында өткөрүлүп жатат.
“Ысык-Көл досторун чакырат-2022” XII Эл аралык этно-карнавалынынын программасында Кыргызстан, Казакстан, Россия жана Өзбекстандын чеберлери менен музыкалык көрсөтүүлөр, хореография, вокал, элдик аспаптарда ойноо боюнча мастер-класстар бар. Музыкалык топтор хореография, аспаптык ансамблдер, улуттук аспаптарда жекече аткаруу, вокалдык ырдоо сыяктуу номинациялар боюнча ат салышат. Бул жылы биринчи жолу “Театр искусствосу” номинациясында сынак өтөт. Ага ар кайсы өлкөлөрдүн алдыңкы эксперттери кирген калыстар тобу сынактын катышуучуларынын чыгармачылыгын, эмгекчилдигин, аткаруучулук сапатын, сахна чеберчилигин баалайт.
1-апрелден тартып «Ысык-Көл айланма жолунун Корумду-Балбай-Баатыр участогунун 104-чакырымынан 184,5-чакырымына чейин реконструкциялоо» долбоору боюнча курулуш иштерин …
Ысык-Көл көлүнүн балык уулоочу тилкелерине 5,7 млн чабак кое берилди. Айыл чарба министрлигинен билдиришкендей, бүгүн …
26-марттан тарта суучулдар Ысык-Көлдү таштандылардан жана балык уулоочу торлордон тазалоо ишин башташты. Өзгөчө кырдаалдар министрлигинин …
Ысык-Көлдө мыйзамсыз курулуп жаткан коттеджердердин курулушу токтотулду. Бул тууралуу Архитектура, курулуш жана турак жай-коммуналдык чарба …
Үстүбүздөгү жылдын 5-18-февраль аралыгында Ысык-Көл облусунун аймагында «Арсенал» рейддик иш-чарасы жүргүзүлдү. Бул тууралуу Ички иштер …
Ак-Суу районунун Теплоключенка айылына Манасчылар паркы курулат. Бул тууралуу Архитектура, курулуш жана турак жай-коммуналдык чарба …
