Ысык-Көл облустук прокуратурасы Ысык-Көл облустук Өнүктүрүү фондун башкаруу дирекциясында (мындан ары Дирекция) социалдык объектилерди курууга каржыланган акча каражаттардын максаттуу пайдалануусу боюнча текшерүү жүргүзүп, анын жыйынтыгы менен төмөндөгүлөрдү аныктады.
Дирекция тарабынан 2016-2019-жылдар аралыгында «З.С.» жоопкерчилиги чектелген коому менен Жети-Өгүз районунун Светлая Поляна айылында спорт зал куруу үчүн келишимдер түзүлүп, курулуш иштеринин жыйынтыгы менен 2019-жылдын 4-мартында спорт зал пайдаланууга берилген.
Бирок, Дирекциянын кызмат адамдары кызмат абалын кызматтын кызыкчылыктарына каршы пайдаланышып, пайда жана артыкчылыктарды алуу максатында «З.С.» коомунун кызматкерлери менен алдын-ала сүйлөшүп, айрым жумуштардын (наркын) жогорулатылган баада жана иш жүзүндө аткарылбаган жумуштарды киргизишкендигинин кесепетинен мамлекетке 4 млн. 324 миң 200 сом өлчөмүндө зыян келтирилген.
Ошондой эле, 2014-2018-жылдар аралыгында Тоң районунун Тоң айылында бала-бакча куруу үчүн Дирекция менен жогоруда аталган коомдун ортосунда келишим түзүлүп, курулушу бүткөрүлдү делген бала-бакча 2018-жылдын 29-майында пайдаланууга берилген.
Бул социалдык объекттини курууда дагы Дирекциянын кызмат адамдары менен жогоруда аталган коомдун кызматкерлеринин жогорудагыдай эле кылмыштуу аракеттери менен мамлекетке 4 млн. 378 миң 100 сом зыян келтирилген.
Мындан тышкары, 2015-2018-жылдар аралыгында Балыкчы шаарында бала-бакча курууда Дирекциянын кызмат адамдары менен «ТИП» коомунун кызматкерлеринин ушундай эле кылмыштуу аракеттери менен мамлекетке 4 млн. 338 миң 700 сом зыян келтирилген.
Жогорудагылардын натыйжасында мамлекетке жалпы 13 млн. 041 миң сом өлчөмүндө зыян келтирилген.
Белгиленген фактылар Ыссык-Көл облустук прокуратура тарабынан Кыргыз Республикасынын Жазык кодексинин 320-бер. (Кызмат абалынан кыянаттык менен пайдалануу) менен КЖБРге катталып, сотко чейинки өндүрүш иши башталды.
20-23-июль күндөрү Бишкек шаарында жана Ысык-Көл облусунда убактылуу жол кыймылына чектөөлөр киргизилет. Бул тууралуу ИИМдин …
КР Сейсмология институтунун маалыматына ылайык бүгүн саат 18:30да Кыргыз Республикасынын аймагында очогунда күчү 3,9 магнитудасына …
Өзгөчө кырдаалдар министрлигинин адиси Даурбек Сакыев маалымат жыйынында Кыргызстандын аймагында эки миңдей көл болсо, анын …
Ысык-Көлдөн быйыл жыл башынан бери алты тоннадай акыр-чикир, 40 миң метр балык кармоочу тор чыгарылды. …
Эки өлкөнүн ортосунда инвестицияларды илгерилетүү жана коргоо, туризм, ветеринардык коопсуздук, карантин жана өсүмдүктөрдү коргоо, билим …
Чолпон-Ата шаарынын Бостери айылындагы көлдүн жээгиндеги пансионаттардын биринде, достору менен Бишкектен эс алууга барган 18 …
