Бишкек.20.02.2019.Govori.TV.
Бельгиядан келген турист Ысык-Көлдө кар көчкү астында калып каза болду. Бул тууралуу облустук милициянын маалымат кызматы кабарлады.
Кырсык кечээ, 19-февралда 16:00 чамасында болгон.
37 жаштагы Дриз Эмиль Кукенс жана анын карындашы 33 жаштагы Кларт Март Кукенс Кыргызстанга эс алганы келишкен.
Ак-Суу районундагы Боз-Учук капчыгайында лыжа тээп жүрүшкөн кезде кар көчкү жүрүп, аялды басып калган.
Туристтерди коштоп жүргөн гид жана анын агасы кар алдында калган аялды 3-4 сааттын ичинде таап, биринчи медициналык жардам көрсөтүшкөн, бирок алардын аракеттери жардам берген эмес.
Каза болгон аялдын сөөгү Каракол шаарындагы оорукананын моргуна жеткирилген.
