Ысык-Көл облустук ички иштер башкармалыгынын туристтик-экологиялык милициясынын кызматкерлери көлдүн түбүн тиричилик таштандыларынан жана балык уулоочу торлордон тазалоодо «Таза Ысык-Көл» коомдук фондуна көмөктөшүүдө. Бул тууралуу облустук милициянын басма сөз кызматы билдирди.
Маалыматка ылайык, 14-июндан 15-июнга чейин Түп районунун Николаевский булуңунда, Балбай, Күрмөнтү жана Фрунзе айылдарына жакын жерде тазалоо иштери жүргүзүлдү.
“Таза Ысык-Көл” коомдук фондунун суучулдары жана милиция кызматкерлери эки күндүк иш учурунда көлдүн түбүнөн узундугу 3000 метрге жеткен синтетикалык балык уулоочу эски торлорду жана 12 кап өлчөмүндөгү желим бөтөлкөлөрдү алып чыгышты. Чогулган таштандылар кайра иштетүү үчүн Балыкчыдагы жеке ишканага өткөрүлүп берилди.
Ысык-Көл облусунун ички иштер башкармалыгынын туристтик-экологиялык милиция кызматкерлери белгилегендей, элдин кайдыгерлиги Ысык-Көлдүн экологиясынын бузулушуна алып келе жатат. Эс алуучулар көп таштандыларды таштап кетишет, ал эми жергиликтүүлөр балык кармагандан кийин торлорду тазалабай, көлгө ыргытып жиберишет. Мунун баары көлдүн экосистемасынын табигый процесстерин бузат.
Балыкчы–Ананьево–Каракол унаа жолунун 24-чакырымында Mercedes-Benz Sprinter жана Mitsubishi үлгүсүндөгү унаалардын катышуусунда жол кырсыгы катталган. ӨКМдин …
Ысык-Көл районунда сууга чөгүп кеткен төрт жашар кызды издөө иштерине Ысык-Көл облусунун айыл өкмөттөрү да …
Ысык-Көлдө үй-бүлөлүк чыр-чатактан улам атасы баласына бычак сайган. Баласы ооруканага жетпей каза болгон. Бул тууралуу …
4-майдан баштап Ысык-Көл облусунун тургундарына башка аймактарга барууга тыйуу салынат. Мындай чечим бүгүн, 3-майда, облустук …
