Бишкек.19.12.2018.Govori.TV
Депутат Зарылбек Рысалиев бүгүн Жогорку Кеңештин жыйынында президент Сооронбай Жээнбековду мурунку мамлекет башчы Алмазбек Атамбаевди кечирип коюуга чакырды.
Эл өкүлүнүн айтымында, бул тирешүүлөр өлкөдөгү абалга терс таасирин тийгизет. Анын пикиринде өлкө коңшулардын алдында шылдыңга кабылып жатат.
Зарылбек Рысалиевдин айткандарын уккан кесиптештери аны алкап кол чаап жиберишти.
Эскерте кетсек, буга чейин Алмазбек Атамбаев «Апрель» телеканалына берген маегинде Сооронбай Жээнбеков тууралуу терс пикирин билдирип, анын талапкерлигин алдыга чыгаргандыгына катуу өкүнүп жатканын айткан.
