Анжиян облусунун Избаскан районундагы мечиттин аймагындагы даарат бөлмөсүндө болгон жарылуудан 3 адам каза болуп, 10 адам жаракат алды. Бул тууралуу Өзбекстандын Өзгөчө кырдаалдар министрлигинин басма сөз кызматы билдирди.
Кечээ саат 12:19да Мирзо Улугбек айылындагы имаратта газ-аба аралашмасы жарылган. ӨКМ билдиргендей, имараттын дубалдары жана чатыры урап түшкөн.
Учурда бул окуя боюнча алдын ала иликтөө иштери жүрүп жатат.
