• Ишенби 25 Бугу 2024
  • Суббота 25 Май 2024

Өзбекстандын президенти Душанбеге барды

18 Чын куран 2024 17:56 Бишкек Govori.TV

18-апрелде Өзбекстандын президенти Шавкат Мирзиёев Душанбеге мамлекеттик сапары менен барды. Борбор калаанын аэропортунан аны Тажикстандын президенти Эмомали Рахмон тосуп алды.

Өзбекстан президентинин басма сөз кызматы билдиргендей, Мирзиёев менен жолугушууга тажик жаштарынын жана чыгармачыл топторунун өкүлдөрү да катышты.

Мирзиёев «Дусти» аянтына барып, Исмоил Сомонинин эстелигине гүлчамбар койду.

Сүйлөшүүлөрдүн жүрүшүндө мамлекет башчылары өзбек-тажик стратегиялык өнөктөштүгүн мындан ары тереңдетүү маселелерин талкуулашат, ошондой эле эл аралык жана аймактык деңгээлдеги өз ара аракеттенүү боюнча пикир алмашат.

Сапардын алкагында Мирзиёевдин искусство чеберлеринин концертине жана «Made in Uzbekistan» жарманкесине катышуусу каралган.

Мамлекеттик сапардын алкагында буга чейин бир катар иш-чаралар, анын ичинде аялдар форуму, Өзбекстандын кино күндөрү, интеллигенциянын, илимпоздордун жана тарыхчылардын конференциясы, улуттук тамак-аш жана туристтик потенциал фестивалы болуп өттү.

Количество просмотров: 68