Бүгүн Өзгөн районунда үч мамлекеттик «Эл Аман» дарыканасы ачылды. Бул тууралуу Саламаттык сактоо министрлигинен билдиришти.
Маалыматка ылайык, ачылышка министр Алымкадыр Бейшеналиев катышты. Дарыканалар Өзгөн, Мырза-Аке жана Куршаб Жалпы дарыгерлик практика борборлорунда ачылды.
Министр өз сөзүндө калкты сапаттуу жана арзан дары-дармектер менен камсыз кылуу максатында быйылкы жылы республика боюнча мамлекеттик дарыканалардын жалпы санын 100гө жеткирүү пландалып жатканын баса белгиледи.
Дарыканаларда турмуштук маанилүү дары-дармектердин тизмесине кирген 1500дөй дары-дармек бар. Калк аларды жеке дарыканаларга караганда 10-15% арзан сатып ала алат. Мамлекеттик дарыканаларды ачуунун негизги максаты — калктын жеткиликтүү дары-дармекке байланыштуу көйгөйлөрүн чечүү.
Эскерте кетсек, 2023-жылдын ноябрь айында Өзгөн Жалпы дарыгерлик практика борборунда райондогу алгачкы мамлекеттик «Эл Аман» дарыканасы ачылган. Эми Өзгөн районунда 4 мамлекеттик дарыкана иштейт. Жалпы республика боюнча мамлекеттик дарыканалардыын саны 58ге жетти.
Күн мурун Ош шаарында үй-бүлөлүк медицина борборунун № 2,3 филиалдарында социалдык дарыканалардын ачылышы болду. Бул …
Улуттук коопсуздук мамлекеттик комитети Бишкектеги дарыкананын кампасына мөөр басты. Комитеттин басма өз кызматынан билдиргендей, учурда …
Жогорку Кеңештин жыйынында сөз сүйлөгөн депутат Аккулу Бердиев жарык өчкөн жерлериндеги дарыканаларда дарылар жарактан чыгып …
Бишкекте дарылардын баасын кымбаттатып саткан дагы бир дарыкана аныкталды. Бул тууралуу Экономикалык кылмыштуулукка каршы күрөшүү …
Экономикалык кылмыштарга каршы күрөш боюнча мамлекеттик кызмат (Финансы полициясы) дары-дармектердин, медициналык каражаттар менен беткап, антисептиктердин …
Борбор калаанын коменданты Алмаз Орозалиев кол койгон буйрукка ылайык бир катар учурлардан тышкары, өтө зарыл …
