Жер көчкүдөн улам Өзгөн районунда өзгөчө кырдаал жарыяланып, тургундар коопсуз жайга көчүрүлдү. Бул тууралуу Өзгөчө кырдаалдар министрлиги билдирет.
Маалыматка ылайык, 22-мартта саат 05:00 чамасында Өзгөн районундагы Жалпак-Таш айыл аймагына караштуу Карл Маркс айылынын Кызыл-Күңгөй тилкесинде жер кыртышы активдешип, болжол менен 1 млн куб метр жер көчкөн. Жер көчкү аталган тилкеде жайгашкан 18 турак үйгө коркунуч пайда кылган.
Жерине 24 куткаруучу, айыл өкмөт тарабынан 40 адам, 1 ХОВО, 5 портер, 3 КамАЗ, 1 жүктөгүч жана жеке унаалар тартылып, 18 турак үйдүн 195 тургуну жеңил үй тиричилик буюмдары менен Куршаб айылына туугандарыныкына көчүрүлгөн.
ӨКМден белгилешкендей, акимдин буйругунун негизинде Карл Маркс айылына I даражадагы табигый мүнөздөгү өзгөчө кырдаал жарыяланды. Жеринде абалды өзгөчө кырдаалдар министринин орун басары Акылбек Мазарипов көзөмөлгө алууда.
Белгилей кетсек, аталган аймакта жер 2017-жылдын жаз айларында активдешип баштаган. 2022-жылдын 5-сентябрында аталган аймак ӨКМ тарабынан жашоого кооптуу деп табылып, 18 турак үйдүн жашоочуларына башка жакка көчүү сунушталган.
Ош облусунун Өзгөн райондук сотунун административдик-чарба бөлүмүнүн кызматкери И.Т.З. кармалды. Бул тууралуу Улуттук коопсуздук боюнча …
Өзгөндө сел жүрдү. Бул тууралуу Өзгөчө кырдаалдар министрлигинен билдиришти. Маалыматка ылайык, 25-апрель күнү саат 23:30 …
Өзгөн районунун Куршаб айылда нөшөрлөп жааган жамгырдын кесепетинен турак үйлөрдү суу каптаган. Бул тууралуу Govori.TVга …
Өзгөн шаарындагы «Достук» сейил багын реконструкциялоого эскиздик долбоор даярдалды. Мамкурулуштан билдиришкендей, долбоор Өзгөн шаардык шаар …
Бишкек шаарынын мэриясынын буйругу менен 2024-жылдын 4-апрелинен тартып борбор калаанын аймагында өзгөчө кырдаал режими алынды. …
Ош облусунун Өзгөн районундагы дээрлик жарым миллиард сомдук 5 гектар базар мамлекетке кайтарылды. Бул тууралуу …
