27-октябрда Түркестанда эл аралык жарым марафон өттү. Ага Кыргызстандан Нурсултан Кеңешбеков катышкан.
Нурсултан 21,1 чакырымды 1 саат 2 мүнөт 49 секундда чуркап өтүп, марафондо биринчи орунду ээлеген.
Спорт серепчилеринин айтымына караганда, бул жыйынтык Кыргызстандагы ушул аралыкта чуркоо боюнча жаңы рекорд болуп саналат. Буга чейинки рекордду 1994-жылы Виталий Никитин ишке ашырган. Ал жогорудагыдай аралыкты 1 саат 3 мүнөт 24 секундда Норвегияда чуркап өткөн.