Жаңы-Өзөн шаарында мунай тармагына жумушка орноштуруу талабы менен ачкачылык жарыялаган тургундардын ден соолугу начарлаганы айтылууда.
Бейшемби күнү бери дегенде эле бир киши тез жардам менен медициналык мекемеге жеткирилди. «Азаттыктын» казак кызматы анын абалы боюнча ооруканадан жана Маңгыстау облусунун саламаттыкты сактоо департаментинен комментарий ала алган жок. Соцтармактарда тараган видеодо тез жардам кызматкерлери жерде жаткан адамдын абалын текшерип жатышканын көрүүгө болот.
Активист Жадыра Досекеева азыр эки адам ооруканада экенин, ачкачылык жарыялагандардын бири акимчиликке сүйлөшүү үчүн барганын билдирди. Жаңы-Өзөн шаарынын акими Айбек Косуаков комментарий алуу үчүн жеткиликсиз болууда. Митингчилер бул жагдай боюнча ачык маек берише элек.
Маңгыстау облусунун саламаттыкты сактоо департаментинин 11-майдагы билдирүүсүнө ылайык, 10-майда сегиз адам ачкачылык жарыялаган. 24 сааттын ичинде тез жардам кызматына алты кайрылуу түшкөн. Адистер 1992-1999-жылы туулган жигиттердин абалын текшерип, бирок ден соолугуна байланыштуу олуттуу көйгөй аныкташкан эмес. Тез жардам чакырткандар акцияны улантуу зарылдыгын айтып, ооруканага жатуудан баш тартышкан.
10-майда Жаңы-Өзөндүн онго чукул тургуну ачкачылык жарыялаган. Андан мурдараак алты апта бою акимчиликтин алдында нааразылык акциясын өткөргөн кишилерди полиция кармап кетип, бир нече сааттан кийин бошоткон.
Казакстандын Жаңы-Өзөн шаарында көп батирлүү турак үйдө газ жарылып, төрт киши каза болду. Бул тууралуу …
Жаңы-Өзөн шаарынын тургундары Астанада кармалган мунайчыларды бошотуу талабы менен жергиликтүү акимчиликтин алдында чогулушту. “Эгер Астанада …
15-июнга караган түнү Жаңы-Өзөн шаарындагы “КЕЗБИ” жоопкерчилиги чектелген шериктештигинде мунай скважиналарынын ремонту учурунда агрегатор өрттөнүп, …
9-июнда жумушка орношо албаганына нааразылык билдирип, өзүнө жаракат келтирген Жаңы-Өзөндүн эки тургуну ооруканага жеткирилди. “Азаттыктын” …
Казакстандын Жаңы-Өзөн шаарында 31-январдан бери нааразылык акциясын өткөрүп жаткан жумушсуз жарандардын бир нечеси 15-мартта ачкачылык …
9-февралда Казакстандын Жаңы-Өзөн шаарында «Бургылау» мунай-сервис компаниясынын жумушчулары иш таштады. Алар компания жетекчилерине ашыкча саат …
