Бишкектеги Чыңгыз Айтматов проспектиси менен Жал кичи районундагы Тыналиев көчөсүн бириктирген жолду куруу иштери жакында башталат. Бул тууралуу Бишкек мэри Айбек Жунушалиев салына турган жолду жеринен көрүү учурунда билдирди.
Мэрдин айтымында, жол салуу иштери жакынкы убакта башталат. Ошондой эле шаар башчысы аталган жол ачылса, унаа тыгындары толук чечилип кетпесин, бирок бул аймакта жол инфраструктурасын түзүү туура иш экенин белгиледи. Мындан тышкары, Айбек Жунушалиев Миңжылкыев көчөсүнө Бакаев көчөсү да кошуларын айтты.
Кошумчалай кетсек, Чыңгыз Айтматов проспектиси менен Тыналиев көчөсүн бириктире турган Миңжылкыев көчөсүнүн курулуш иштеринин пландалып жатканы коомчулукта кызуу талкууланып, түрдүү пикирлер айтылууда.
Мэрия Миңжылкыев көчөсү Чыңгыз Айтматов проспектисинен Тыналиев көчөсүнө чейин созулуп, жалпы узундугу 1,3 чакырымды түзөрүн жана 2 тилкелүү жол салынарын маалымдаган болчу.
Ошондой эле Миңжылкыев көчөсүн курууда жол окуу имараттарына жакын жайгашкандыктан, Кыргыз-Түрк «Манас» университетинин айрым чектеш аймактары долбоорго тартылары айтылган эле.
Буга чейин Кыргыз- Түрк «Манас» университетинин студенттери окуу жайды тең бөлүп жолду ачууга каршылык билдирип, кол топтоп жатышкан. Шаар бийлиги бул жолду ачуу мурда эле планда каралган деп кошумчалап жатышат.
Бишкек шаарынын түштүк тарабында төрт күн жаратылыш газы берилбейт. «Бишкекгаз» кызматы билдиргендей, орто жана төмөнкү …
Бишкекте Аалы Токомбаев жана Байтик баатыр көчөлөрүнүн кесилиши убактылуу жабылат. Бул тууралуу мэриядан кабарлашты. Маалыматка …
Мэриядан билдиришкендей, 17-июнь саат 09:00дөн 18-июнь саат 06:00гө чейин төмөнкү аймактарда суу өчүрүлөт: Темир жол …
Бүгүндөн тарта Бишкекте Киев көчөсүн реконструкциялоо иштерине байланыштуу 14 автобустук каттамдын жүрүү чиймелери убактылуу өзгөртүлдү. …
Эртең, 16-июндан тарта Иманалиев көчөсүнүн 7-Апрель көчөсүнөн Жукеев-Пудовкин көчөсүнө чейинки бөлүгүндө унаалардын кыймылы убактылуу чектелет. …
Муниципалитеттен билдиришкендей, 16-июнда саат 10:00дөн 13:00гө чейин төмөнкү аймактарда суу болбойт: Суу “Батыш-2” суу топтомосунда …
