Нарын облусунун Нарын районундагы Жерге-Тал айылын жааган жаандан улам сел каптады. Бул тууралуу жергиликтүү тургундар билдиришти.
Алардын айтымында, күн боюу нөшөрлөп жааган жамгырдан улам айыл көчөлөрүн, короо-жайларды, айдоо талааларын суу каптаган.
«Жайытка чыккан майда мал-жандыктар сел сууларына аккан. Короолорду каптаган суу үйгө чейин кирип жатат», — дейт тургундар.
Кошумчалагандай мындай кырдаал Нарындын башка да айылдарында катталган.