Чүй ОИИБдин бама сөз кызматынын тарапткан мааалыматына ылайык, 2020-жылдын 18-декабрь күнү Жайыл районунун ички иштер бөлүмүнүн нөөмөт бөлүгүнө телефон чалуу болуп, Жайыл районундагы Ак-Башат айылындагы имараттардын биринин жанында эркек кишилердин ортосунда ызы-чуу болгондугу тууралуу маалымат келип түшкөн. Анын негизинде окуя болгон жерге Жайыл РИИБдүн ыкчам тергөө тобу чыгышкан.
«Милиция кызматкерлери ал жерди кароо учурунда саркынды суу өткөн түтүктүн жанынан эркек кишинин жансыз денеси табылган. Кароо учурунда анын денесинде жаракаттар аныкталган. Бул окуя кылмыштардын жана жоруктарждын бирдиктүү реестрине Кыргыз Республикасынын Жазык кодексинин 130-беренеси (Киши өлтүрүү) боюнча катталып, сотко чейинки өндүрүш иштери башталган. Териштирүү учурунда каза болгон жарандын өздүгү такталып, ал 41 жаштагы Д.Ф. аттуу жаран экендиги маалым болгон.
Жүргүзүлгөн ыкчам тергөө иш-амалдарынын натыйжасында бул кылмышка шектелип, милиция кызматкерлери тарабынан 42 жаштагы М.С. аттуу жаран кармалып, Жайыл РИИБдүн убактылуу кармоочу жайына камакка алынып, зарыл болгон баардык экспертизалар дайындалган.
Алдын ала маалыматтар боюнча кылмышка шектүү жана каза болгон жаран чогу ичимдик ичишип отурушуп, ортодо пикир келишпестиктен улам уруша кетишип, жыйынтыгында Д.Ф. окуя болгон жерден каза болгон. Кылмышты жашыруу максатында шектүү жаран анын денесин саркынды суу өткөн түтүктүн алдына таштап, из жашырып кеткен», — деп айтылат маалыматта.
Учурда сотко чейинки өндүрүш иштери улантылууда.
Бишкек шаарындагы мектеп жана бала бакчалардын директорлорунан акча талап кылган Эсептөө палатасынын дагы бир мамлекеттик …
Бишкек шаардык ички иштер башкы башкармалыгынын ыкчам кызматкерлери тарабынан мурда издөөдө жүргөн чет мамлекеттин жараны …
Бишкек шаарында уюшкан кылмыштуу топтун мүчөсү жергиликтүү тургундан опузалап акча алгандыгы үчүн кармалды. Бул тууралуу …
Ички иштер министрлигинин кызматкерлери Жаза аткаруу кызматы менен бирге абак жайларында текшерүү жүргүзүп, кара куурай баңгизаттарды …
Charge fast (тез заряд) пирамидасын уюштурууга шектүү жаран эки айга тергөө абагына камалды. Чечимди 9-мартта …
Бишкек шаарында милиция кызматкерлери телефон аркылуу алдамчылык кылган жаранды кармашты. Бул тууралуу ИИМдин басма сөз …
