Бүгүн, 31-майга карата жүргүзүлгөн изилдөөлөрдүн жыйынтыгы менен Кыргызстанда дагы 57 адам коронавирустан айыкты. Бул тууралуу саламаттык сактоо министринин орун басары Нурболот Үсөнбаев билдирди.
«Сутка ичинде Бишкек шаарынан 40, Нарын облусунан 10, Ош облусунан 7 бейтап коронавирустан айыгып, үйлөрүнө чыгарылды. Республика боюнча бүгүнкү күнгө карата жалпы 1170 бейтап айыгып, ооруканадан чыгарылды», — деп билдирди Үсөнбаев.