Жалал-Абад мэриясы Бакиев менен Батыровдун мүлкүн өзүнө каттата элек

Бишкек. 27.11.2018.  Govori.TV

Жалал-Абад шаарынын мэриясы 2010-жылы мурунку президент Курманбек Бакиевдин жакындарына таандык экендиги сөз болуп жүргөн базарды жана Кадыржан Батыровго тиешелүү көп кабаттуу үйдү өзүнө каттата албай жатат. Бул тууралуу мэриянын муниципалдык менчикти башкаруу башкармалыгынын башчысы Болот Жусупбеков билдирди.

Башкы прокуратура 2010-жылы бул мүлктү камакка алуу чарасын бекитип, Сузак райондук сотунун чечими чыккан. Кийин ал мамлекеттин карамагына алынган. 2016-жылдын сентябрь айында өкмөттүн токтомунун негизинде Бакиевдерге тиешелүү Курманбек көчөсүндөгү 33 миң чарчы метрдеги курулуш базары жана Батыровго таандык Жамашев көчөсүндө жайгашкан 52 батирлүү көп кабаттуу үй мэриянын менчигине өткөрүлүп берилген.

«Бирок жогорудагы мүлк камактан чыгарылбагандыктан ушул кезге чейин мэрия өзүнө каттоого ала албай жатат. Шаардык жана облустук сотторго жазган арыздардын баары түшүнүксүз жагдайлардан улам четке кагылып, бул иш азыр Жогорку соттун кароосунда жатат», – деди Жусупбеков.

Батыровго тиешелүү көп кабаттуу үйдү 2010-жылдан кийин тургундар басып алышкан. Алардын 32си ушул тапта мыйзамсыз жашап келишет. Кадыржан Батыров 2010-жылы июнь окуясына күнөөлүү деп табылып, азыр чет жакта жүргөндүктөн сот аны сыртынан өмүрүнүн акырына чейин эркинен ажыраткан. 2011-жылы анын бардык мүлкү соттун чечими менен конфискацияланган.

Батыров өзү күнөөсү жок экенин айтып жүрөт. Батыровго жана анын жубайы Карамат Батыровага таандык 28 объект камакка алынып, кийин соттун чечими менен мамлекеттин пайдасына өткөрүлгөн.

Булак: “Азаттык”

Подписаться:

Тема боюнча

Жалал-Абадда «Элге багытталган адилеттүүлүк» форуму өтүүдө. Анын максаты эмне? (видео, сүрөт)

Жалал-Абадда «Элге багытталган адилеттүүлүк» аттуу улуттук форуму башталды. Бүгүн форумдун биринчи күнү өтүп жатат. Анда …

Кененирээк

Жалал-Абадда турак үйлөрдүн короолорун суу каптады

Жалал-Абад облусунда нөшөрлөгөн жамгырдын кесепетинен турак үйлөрдүн короолорун суу каптады. Бул тууралуу ӨКМ кабарлады. Маалыматка …

Кененирээк

Жалал-Абад электр тармактар ишканасына 4 жаңы имарат курулат

Жалал-Абад электр тармактар ишканасына 4 жаңы имарат курулат. Бул тууралуу Энергетика министрлигинин маалымат кызматы кабарлады. …

Кененирээк

Издеп жаткан келин үч баласы менен Бишкектен табылды

Буга чейин милиция тарабынан изделип жаткан Базар-Коргон районунун тургуну үч баласы менен Бишкектен табылды. Бул …

Кененирээк

Жалал-Абадда тил эрежелери сакталбаган көрнөк-жарнактар алынды

Жалал-Абадда мамлекеттик тил эрежелери сакталбаган көрнөк-жарнактар алынды. Муниципалитеттен билдиришкендей, мэриянын тийиштүү кызматкерлери, мамлекеттик тил боюнча …

Кененирээк

Жалал-Абадда бала бакчанын жери мыйзамсыз менчиктештирилип кеткен

Жалал-Абадда бала бакчанын жери мыйзамсыз менчиктештирилип кеткен. Бул тууралуу Башкы прокуратуранын басма сөз кызматынан кабарлашты. …

Кененирээк