Ноокен районунун 43 жаштагы тургуну айылдашын мылтык менен атып алды. Бул тууралуу Жалал-Абад облустук Ички иштер башкармалыгы кабарлады.
Окуя 26-августка караган түнү Шайдан айылында болгон. Шектүү түн жарымда көчөдө отурган өспүрүмдөрдү көздөй мергенчилик мылтыгынан аткан, ок 15 жаштагы балага тийип, ал ооруканада каза болгон.
Ноокен райондук милициясы Кылмыш-жаза кодексинин 122-беренеси («Адам өлтүрүү») менен кылмыш ишин козгоду.
Шектүү эки айга убактылуу кармоочу жайга киргизилди.