Жалал-Абад шаарында 16 жаштагы баланы сабап кетишкен. Ал эки жумадан кийин ооруканада каза болгонун жакындары социалдык тармактарда билдиришти.
Алардын айтымында, Биймырза Бообековду 20-июлда болжол менен саат 3:00дө үч бала сабап кеткен. Ал 10 күн реанимацияда, 4 күн комада жаткан. Дарыгерлер аны сактап кала алышкан жок.
Туугандары видео кайрылуусунда ишти адилеттүү тергөөнү өтүнүштү. Белгиленгендей, үч шектүү аныкталган, бирок алардын бири гана кармалган. Бул укук коргоо органдарынын жетекчилигине кайрылуу жарыялоого себеп болду.
Жалал-Абад облустук ИИБдин басма сөз кызматы 24.kg агенттигине билдиргендей, милицияга жабырлануучу жеткирилген ооруканадан кабар түшкөн.
21-июлда бул факт Кылмыштардын жана жоруктардын бирдиктүү реестрине катталып, КР Кылмыш-жаза кодексинин 130-беренеси («Ден соолукка оор зыян келтирүү») боюнча кылмыш иши козголгон. Кылмышка шектүү катары Аксы районунун 18 жаштагы тургуну У.Т. жана Сузак районунун 17 жаштагы тургуну О.А. кармалган. Жалал-Абад шаардык сотунун чечими менен алар эки айга камакка алынды.
Жалал-Абад шаарында белгисиз бир адам 11 жаштагы кызды уурдап кетти деп бир нече интернет колдоонучулар …
ӨКМдин Жалал-Абад облусунун Майлуу-Суу шаарында жер титирөөдөн жабыркагандар боюнча Жарандык коргонуу комиссиясы 3 тайпага бөлүнүп …
Каракол шаарынын мэриясы Азия өнүктүрүү банкынын (АӨБ) каржылоосуна сатып алуу сунушталган 5 электробустан баш тартты. …
«Жалал-Абад» аэропортун көчүрүү аракети каралууда. Бул тууралуу президенттин аталган облустагы өкүлчүлүгүнүн басма сөз кызматы билдирет. …
