Жалал-Абад облусундагы башкы балатынын жанына жардыруучу зат орнотмокчу болгон шектүүлөр кармалды. Бул тууралуу УКМКдан билдиришти.
Терроризмге каршы көрүлүп жаткан иш-чаралардын жүрүшүндө, 25-декабрда Жалал-Абад шаарынын аймагында “Ислам мамлекети – Вилаят Хорасан” эл аралык террористтик уюмунун жашы жете элек мүчөлөрү 2007-жылы туулган Р.М.Р. жана У.М.Т. кармалган.
«Бул балдар аралыктан интернет аркылуу “ИМ-ВХ” уюмдун катарына кошулуп, чет элдик уюмдун эмиссарларынын көрсөтмөсү менен Жалал-Абад шаарынын борбордук аянтындагы башкы балатынын жанына колго жасалган жардыруучу түзүлүштү орнотууну пландашкан, ошондой эле Жалал-Абаддагы «Успение Пресвятой Богородицы» чиркөөсүнө террордук чабуулду жана куралдуу кол салууну уюштурууну көздөп жатышкан. Алынган мобилдик телефондорду текшерүүдө теракт даярдоонун далилдери, уюмдун эмиссарлары менен кат алышуу, иш-чаралардын планы жана колго жасалган жардыруучу түзүлүштөрдү жасоо боюнча нускамалар, ошондой эле “ИМ-ВХ” уюмунун жетекчисине ант берүү видеотасмалары табылган»,-деп жазылат маалыматта.
Бул фактынын негизинде Кылмыш-жаза кодексинин 252-беренесинин 1-бөлүмүндө (террордук акт) каралган кылмыш белгилери боюнча кылмыш иши козголуп, №53 жашы жетпегендер үчүн тергөө абагына киргизилген. Тергөө уланууда.
Жалал-Абадда «Элге багытталган адилеттүүлүк» аттуу улуттук форуму башталды. Бүгүн форумдун биринчи күнү өтүп жатат. Анда …
Жалал-Абад облусунда нөшөрлөгөн жамгырдын кесепетинен турак үйлөрдүн короолорун суу каптады. Бул тууралуу ӨКМ кабарлады. Маалыматка …
Жалал-Абад электр тармактар ишканасына 4 жаңы имарат курулат. Бул тууралуу Энергетика министрлигинин маалымат кызматы кабарлады. …
Буга чейин милиция тарабынан изделип жаткан Базар-Коргон районунун тургуну үч баласы менен Бишкектен табылды. Бул …
Жалал-Абадда мамлекеттик тил эрежелери сакталбаган көрнөк-жарнактар алынды. Муниципалитеттен билдиришкендей, мэриянын тийиштүү кызматкерлери, мамлекеттик тил боюнча …
Жалал-Абадда бала бакчанын жери мыйзамсыз менчиктештирилип кеткен. Бул тууралуу Башкы прокуратуранын басма сөз кызматынан кабарлашты. …
