Жалал-Абад облусунда дааратканага түшүп кеткен ымыркай куткарылды. Бул тууралуу ӨКМнын басма сөз кызматынан кабарлашты.
Маалыматка ылайык, Токтогул районундагы турак үйдүн дааратканасына жаңы төрөлгөн ымыркай кызды белгисиз бирөө таштап салган. Учурда ымыркайдын абалы орто.
Жерине №97 ӨКБдан 4 куткаруучу тартылып, ымыркайды алып чыгышып, ИИМ жана «Тез жардам» кызматкерлерине өткөрүп беришкен.