Президент Садыр Жапаров кыргызстандыктарга кайрылуу жасап, коронавируска каршы вакцина алууга чакырды. Бул тууралуу ал өзүнүн Instagram баракчасына жазды.
«Бүгүн Кыргызстанда 69 адамда COVID-19 оорусу катталды. Ооругандардын 100 пайызы вакцина албагандар болуп чыкты. Вакцина алыңыздар», — жазылат билдирүүдө.
Белгилей кетсек, Кыргызстанда COVID-19 вирусуна каршы эмдөө өнөктүгү март айынын аягында башталган. Өлкөдө Кытайдын Sinopharm, Орусиянын «Спутник V», COVAX программасы менен келген Европанын AstraZeneca вакцинасы менен эмдөө жүрүп жатат.