“Ынтымак Ордодо” Кыргызстандын президенти Садыр Жапаров менен Грузиянын премьер-министри Ираклий Кобахидзенин жолугушуусу башталды.
Анын алкагында тараптар мамилелерди мындан ары да өнүктүрүүгө басым жасап, соода-экономикалык, транспорт, логистика, туризм, билим берүү, маданият жана инвестиция тармактарындагы келечектүү багыттарды талкуулашууда.
Анда президент Садыр Жапаров Грузиянын өкмөт башчысына кайрылып жатып, бул сапарды жогору баалап, аны эки тараптуу кызматташуунун жаңы этабы деп атады. Ошондой эле Грузияны узак мөөнөттү кызматташтыкка негизделген ишенимдүү өнөктөш катары белгиледи.
Президенттин айтымында, кыргыз-грузин дипломатиялык мамилелери 1992-жылы түзүлгөн. 34 жылдын ичинде ал достукка, контструктивдүү диалогго жана өз ара колдоого таянган туруктуу мамилелерге айланды.
“Бул сапар эки өлкөнүн ортосундагы саясий диалогдорду мындан ары тереңдетүүгө, соода-экономикалык байланыштарды кенейтүүгө жана маданий-гуманитардык кызматташтыкты жаңы деңгээлге чыгарууга чоң түрткү берет деп ишенем. Эки өлкө бири-бири менен мамлекеттерде жасалып жаткан реформалардын алкагында тажрыйба алмаша алат”,-деди мамлекет башчысы.
Ошондой эле жолугушууда эки өлкөнүн ортосундагы укуктук базаны жана практикалык өз ара аракеттенүүнү чыңдоого багытталган эки тараптуу документтердин топтомуна кол коюлары күтүлүүдө.
Белгилей кетсек, Грузиянын премьер-министри күн мурун Кыргызстанга келген. Аны “Манас” эл аралык аэропортунан министрлер кабинетинин төрагасы Адылбек Касымалиев тосуп алган. Бул эки өлкө ортосунда дипломатиялык мамилелер түзүлгөндөн бери Грузиянын өкмөт башчысынын Кыргызстанга жасаган биринчи расмий сапары.
Президент Садыр Жапаров бүгүн, 8-июнда өлкөгө расмий сапары менен келген Кипрдин тышкы иштер министри Константинос …
Президент Садыр Жапаров Караколдо МИК курган көп кабаттуу үйлөрдү суу каптаган окуя боюнча комментарий берди. …
Президент Садыр Жапаров кол койгон Жарлыкка ылайык, Кыргыз Республикасынын Малайзиядагы Атайын жана Ыйгарым укуктуу Элчиси …
Бүгүн, 5-июнда Бишкек шаарында президент Садыр Жапаров өлкөгө расмий сапары менен келген Беларусь премьер-министри Александр …
Президент Садыр Жапаров бүгүн, 5-июнда Шанхай кызматташтык уюмуна мүчө мамлекеттердин ички иштер жана коомдук коопсуздук …
Президент Садыр Жапаров экономика жана коммерция министри Бакыт Сыдыковду президенттин өзгөчө тапшырмалар — санкциялык саясат …
