Президент Садыр Жапаров бүгүн, 9-октябрда, Кытайдын Кыргызстандагы элчиси Ду Дэвэнге Кыргыз Республикасынын мамлекеттик сыйлыгы — «Достук» орденин тапшырды.
Мамлекет башчысы белгилегендей, бул орден менен Кыргызстан жана чет өлкөлөрдүн жарандары тынчтыкты, достукту жана эл аралык кызматташтыкты бекемдөө боюнча жасаган иштери үчүн сыйланышат.
«Кыргызстан Cиздин кыргыз-кытай ынак коңшулук, достук жана кызматташтык мамилелерин чыңдоого кошкон баа жеткис салымыңызды жогору баалайт», — деп белгиледи Садыр Жапаров.
Президент Садыр Жапаров кыргыз-кытай мамилелеринин абалынын эң жогорку деңгээлине, атап айтканда соода-экономикалык кызматташтыктын ийгиликтүү алга жылышына, маданий-гуманитардык байланыштардын жана башка тармактардын чыңдалышына канааттануу менен басым жасап, бул Кыргызстан менен Кытайдын ортосундагы чындап эле ынак коңшулук, достук мамилелердин айкын далили экенин белгиледи.
Өз кезегинде Атайын жана Ыйгарым Укуктуу Элчи Ду Дэвэнь КЭР төрагасы Си Цзиньпиндин жылуу саламын айтты.
Элчи көрсөтүлгөн сый-урмат жана жогорку сыйлык үчүн ыраазычылык билдирип, бул сыйлык Садыр Жапаровдун кыргыз-кытай кызматташтыгын өнүктүрүүгө болгон мамилесин жана көңүл буруусун көрсөтүп жатканын белгиледи.
Ду Дэвэнь белгилегендей, бул сыйлык эки өлкөнүн элдеринин жыргалчылыгы үчүн эки тараптуу мамилелерди бекемдөөгө жана өнүктүрүүгө колдон келишинче салым кошууга жана мындан да көп берилүү менен иштөөгө шыктандырат.
Ал кытай тарап Кыргызстандын КЭР менен мамилелерин өнүктүрүүгө өзгөчө көңүл буруп жатканына басым жасады.
«Кыргызстан Кытай үчүн — жакшы кошуна, жакшы дос жана ишенимдүү өнөктөш. Биз өлкөлөрүбүздүн ортосундагы кызматташтыкты бардык тармактарда өнүктүрүүгө дайым даярбыз», — деп кошумчалады элчи.
Президент Садыр Жапаровдун Азербайжан Республикасына 24-25-апрелде болгон мамлекеттик сапары аяктады. Сапардын алгачкы күнү Баку шаарында …
Азербайжандын лидери Ильхам Алиев президент Садыр Жапаровго карабак күлүгүн белек кылган. Белек Агдам шаарында Карабах …
Президент Садыр Жапаров бүгүн Баку шаарында Азербайжага болгон мамлекеттик сапарынын алкагында өлкө президенти Ильхам Алиев …
Бүгүн, 24-апрелде, Баку шаарында Кыргызстан менен Азербайжандын президенттери Садыр Жапаров жана Ильхам Алиевдин расмий жолугушуу …
Президент Садыр Жапаров бүгүн, 24-апрелде, мамлекеттик сапар менен Азербайжанга жөнөп кетти. 24-25-апрелде боло турган сапардын …
Президент Садыр Жапаров “Кыргыз Республикасынын айрым мыйзам актыларына (Кыргыз Республикасынын Турак жай кодексине, “Аскер кызматчыларынын …
