Президент Садыр Жапаров бүгүн, 1-майда, Тажикистан Республикасынын президенти Эмомали Рахмон менен телефон аркылуу сүйлөштү. Бул тууралуу президенттин аппаратынын маалыматтык саясат бөлүмү билдирет.
Маалыматка ылайык, президенттер чек арадагы кырдаалды турукташтыруу боюнча тараптар ортосундагы жетишилген келишимдердин аткарылышын талкуулашты.