Президент Садыр Жапаров жана Улуттук коопсуздук мамлекеттик комитетинин төрагасы Камчыбек Ташиевдин Каркыра жайлоосунда Багги (жеңил жол тандабас) айдап эс алган сүрөттөрү социалдык тармактарга жарыяланды.
Аны Камчыбек Ташиев өзүнүн Facebook тармагындагы баракчасына койду.
Белгилей кетсек, президент Садыр Жапаров бүгүн, 23-июлда Ысык-Көл облусунун Түп районунда чыгаан жазуучу, коомдук ишмер, Кыргызстандын баатыры Түгөлбай Сыдыкбековдун 110 жана Кыргыз ССРинин эл артисти Советбек Жумадыловдун 90 жылдыгын майрамдоого байланыштуу салтанаттуу иш-чарага катышкан.