Президент Садыр Жапаров мамлекеттик резиденцияда өтүп жаткан басма сөз жыйынында мурдагы президент Сооронбай Жээнбековдун экс-президент статусу тууралуу берилген суроого жооп берди.
“Экс-президент боюнча калат. Биз президенттерди жоопко тартып, куугунтуктап, кубалаган салтты токтотолучу. Ошол үчүн экс-президент дегенди бергем. Чоң кылмыштары деле жок, бирок саясий жоопкерчилиги чоң”, — деди ал.
Белгилей кетсек, учурда Бишкекте «Ала-Арча» мамлекеттик резиденциясында президент Садыр Жапаровдун жалпыга маалымдоо каражаттары үчүн ири маалымат жыйыны өтүп жатат.