Жаза аткаруу кызматы Арстан Алай деген ат менен таанымал Арстанбек Абдылдаевдин сөөгү 5-январда эртең менен Жаза аткаруу кызматынын атайын дарылоо түзөтүү мекемесинин ашканасында асылган абалда табылганын билдирди.
Маалыматка ылайык, Абдылдаевге «инсанияттын такталбаган психотикалык бузулушу, галлюцинация» деген алдын ала дарт аныктамасы коюлуп, 28-декабрда врач-психиатрдын сунуштамасы менен Чүйдүн Молдовановка айылындагы №31 түзөтүү мекемесине которулган.
«29-декабрда Абдылдаев мезгил-мезгили менен жүрөгү, башы ооруп, кулагы шуулдап, тамактангандан кийин ашказаны ооруп, тез-тез чарчап жатканын айтып дарыгерге кайрылган.
Текшерүүнүн алдын ала жыйынтыгы менен Абдылдаевге «такталбаган психотикалык инсандык бузулуу, коронардык жүрөк оорусу бар» деген диагноз коюлган. Өтө жогорку тобокелдиктеги гипертониялык оору жана клиникалык диагнозду тактоо үчүн врач-психиатрлардын комиссиялык текшерүүсүн жүргүзүү зарылдыгы жөнүндө чечим кабыл алынган.
Жансыз денени алгачкы кароодо дене жаракаттары табылган эмес. Өлүмдүн чыныгы себебин жана механизмин аныктоо максатында комиссиялык соттук-медициналык экспертиза дайындалды. Бул факты милициянын каттоосуна алынып, тергөөгө чейинки териштирүү иштери башталды»,-деп айтылат маалыматта.
Мунун алдында Абдылдаев 5-январда Юстиция министрлигине караштуу Жаза аткаруу кызматынын №31 түзөтүү мекемесинде каза болгонун анын адвокаты Кайсын Абакиров айтып чыккан.
“Темиров LIVE” жана “Айт айт десе” долбоорлорунун директору Махабат Тажыбек кызы учурда камалып турган тергөө …
Акыйкатчы Жамиля Жаманбаева Жазаларды аткаруу кызматынын жетекчилиги жана кызматкерлери менен жолугушту. Бул тууралуу Акыйкатчылыктын басма …
Арстан Алай деген ат менен белгилүү Арстанбек Абдылдаев каза болду. Бул тууралуу жактоочу Кайсын Абакиров …
Социалдык тармактарда «Арстан Алай абакта каза болду» деп тарап жаткан маалымат чындыкка дал келбейт. Бул …
Арстан Алай деген ат менен белгилүү Арстанбек Абдылдаев 15-январга чейин камакта калды. Маалыматка ылайык, анын …
Арстан Алай деген ат менен белгилүү Арстанбек Абдылдаев эки күндөн бери дайынсыз болуп жатат. Маалыматты …
