Орусиялык альпинист Наталья Наговицына Кыргызстандагы Жеңиш чокусуна чыгып, ал жерде олуттуу жаракат алып, бийиктикте калып калган.
Орусиялык «Mash» маалымат каражаты билдиргендей, 47 жаштагы аял 12-августта түшүп келе жатып бутун сындырып алган.
Эртеси күнү эки чет элдик жаран Натальяны алып кетүүгө аракет кылышкан, бирок чарчоо жана аба ырайынын начардыгынан улам алардын максаты ишке ашкан эмес. Кийинчерээк Эңилчекке куткаруучулар тик учак менен учуп барышкан, бирок жакын жердеги бийик тоолуу лагерге жакындап калганда турбуленттүүлүктөн улам жерге катуу конууга аргасыз болгон. ЖМК белгилегендей, куткаруу операциясы учурунда италиялык альпинист Лука каза болгон, ал орусиялык аялга эки жолу жардам берүүгө аракет кылган. Маркум 15-августта 6900 метр бийиктикте каза болгон.
