Жеңиш чокусунда калып калган альпинист Наталья Наговицынанын абалын аныктоо үчүн дрон жөнөтүлө турганын Орусиянын Альпинизм федерациясы билдирди.
Маалыматта айтылгандай, анын тирүү экени аныкталса, аны сактап калууга аракет кылышат. Буга жараша Наталья Наговицынаны Eurocopter тик учагы менен куткарууга дагы бир аракет жасалышы мүмкүн.
Орусиянын Альпинизм федерациясынын мүчөсү Анна Пиунова 25-август Победа чокусунда сезондун акыркы ачык күнү болору күтүлүүдө. Эгерде Наталья Наговицынада тирүүлүктүн белгилери байкалса, аны италиялык учкуч башкара турган Eurocopter менен алып чыгууга аракет кылат.
«Южный Эңилчек» базалык лагеринин башчысы Дмитрий Грековдун айтымында, альпинист жайгашкан бийиктиктен эч ким эч качан эвакуацияланган эмес.
Анын айтымында, Победа чокусунун боорунда ар кайсы жылдарда каза болгон кеминде 15 адамдын сөөгү бар.
47 жаштагы Наговицына 12-августта Победа чокусунан түшүп келе жатып бутун сындырып алган.
