Президент Сооронбай Жээнбеков бүгүн, 5-мартта өлкөнүн Шайлоо жана референдумдарды өткөрүү боюнча борбордук комиссиясынын төрайымы Нуржан Шайлдабекованы кабыл алды. Бул тууралуу президенттин маалымат кызматы кабарлайт.
Жолугушууда өлкөнүн парламентинин жана жергиликтүү кеңештердин депутаттарын шайлоого даярдыктардын жүрүшү талкууланган. Анда мамлекет башчысы мыйзамга ылайык, шайлоонун жүрүшүнүн толук ачык-айкындуулугун, шайлоо кампаниясына бардык саясий партиялардын катышуусун жана аларга бирдей шарттарды түзүүнү камсыздоо зарылдыгын белгилеп, жергиликтүү кеңештерге шайлоолордун алдында айрым шаарларда жарандарды массалык каттоо боюнча жакында болгон окуяны эске салып, шайлоо процессинин айрым субъектилеринин мындай кадамдарына тынчсыздануусун билдирди.
«Буга карата тиешелүү мамлекеттик органдардын ыкчам реакциясын канааттануу менен белгиледи. Борбордук шайлоо комиссиясы (БШК) ар дайым мындай фактыларга өз убагында жооп берип, ал эми укук коргоо органдары тиешелүү баасын бериши керектигин кошумчалады. Жээнбеков алдыдагы жергиликтүү кеңештерге шайлоо мамлекеттик органдардын парламенттик шайлоону өткөрүүгө даярдыгы кандай экенин текшерүү болуп саналаарын эскертти. Буга байланыштуу алардын толук ачык-айкындуулугун камсыздоо зарылдыгына дагы бир жолу токтолду», — деп айтылат билдирүүдө.
Өз кезегинде Шайлдабекова жергиликтүү кеңештердин депутаттарын шайлоону өткөрүүгө бардык даярдык иш-чаралары өлкө мыйзамдарына ылайык өтүп жатканын билдирди. Саясий партиялардын шайлоо мыйзамдарынын негизги принциптери тууралуу кабардар болуусун жогорулатуу максатында өлкө аймактарында тиешелүү семинарлар өткөрүлгөнүн айтты.
Ошондой эле шайлоо мезгилинде мыйзамдуулукту камсыз кылуу жана мыйзам бузууларга каршы аракеттерди көрүү маселелери боюнча укук коргоо органдарынын катышуусунда аймактарда жыйындар өткөрүлгөнүн маалымдады.
Жогорку Кеңештин депутаты Акылбек Түмөнбаев бүгүн, 28-февралдагы жалпы жыйын учурунда Сооронбай Жээнбековду экс-президент макамынан ажыратууну …
ЖАПАРОВ “АСМАНДЫН” КУРУЛУШУНА СТАРТ БЕРЕТ Президент Садыр Жапаров 30-июнда Ысык-Көлдүн жээгинде заманбап Асман экошаарынын курулушуна …
Акыркы убакта болгон окуяларга байланыштуу менин дарегиме да суроолор түшүүдө. Ошондуктан, өз пикиримди билдирип коюну …
Президент Садыр Жапаров «Кабар» агенттигине кезектеги кыскача маегин куруп, мурдагы журт башчылары менен болгон жолугушуусу …
16-ноябрда Кыргызстандын 5-президенти Сооронбай Жээнбеков 64 жашка чыкты. Ал Оштун Кара-Кулжа районундагы Тельман айылында туулган. …
Бүгүн, 16-ноябрда экс-президент Сооронбай Жээнбековдун туулган күнү. Ал 64 жашка чыкты. Сооронбай Жээнбеков 1958-жылы Ош …
